Në kuadër të Ditëve Ndërkombëtare Kundër Dhunës Ndaj Grave, shoqatat “Në Dobi të Gruas Shqiptare”, “Refleksione”, YWCA , Linja e Këshillimit për Gra dhe Vajza, Qendra e Aleancës Gjinore për Zhvillim, Rrjeti “ Për Fuqizimin e gruas” dhe Rrjeti i grave “Barazi në Vendimmarrje” zhvilluan më 7 dhjetor në mesditë, një marshim proteste për t’i thënë ndal dhunës dhe krimit ndaj gruas.
Disa qindra qytetare, anëtarë dhe simpatizantë të këtyre shoqatave, qytetare të Tiranës, punonjës nga Ministria e Punës, Cështjeve Sociale dhe Shanseve të Barabarta, nga Bashkia e Tiranës dhe institucione të tjera u mblodhen përballë kryeministrisë nga ku i kërkuan qeverisë, policisë dhe organeve të drejtësisë të marrin masa urgjente për frenimin e dhunës dhe krimit ndaj gruas që kohët e fundit ka marrë përpjestime alarmante.
Sevim Arbana, presidentja e shoqatës “ Në dobi të gruas shqiptare”, që foli në emër të gjitha organizatorëve vuri theksin në domosdoshmerine e zbatimit te legjislacionit si baza për dhënien fund të dhunës ndaj grave dhe vajzave, ne nevojen e adaptimit te ligjeve të reja, ngritjen e shërbimeve për mbrojtje dhe parandalim të dhunës.
Pjesëmarrësit në këtë marshim mbanin pankarta me sloganin : Dhuna realitet! Vepro tani! Neser eshte vone!, Bashkohuni me ne, edhe kur dhuna s’eshte pjese e familjeve tuaja!
Ata mbanin edhe portretet e grave të vrara për të cilat kërkuan perseri që drejtësia të veprojë.
Ndërkohë fjongot në ngjyrë lejla, simbol i parandalimit të dhunës ndaj grave, në përmasa 2m lartesi dhe 80cm gjeresi, janë vendosur në fasadat e Ministrisë së Punës, Çështjeve Sociale dhe Shanseve të Barabarta, Bashkisë, Gjykatës së Rrethit Gjyqësor, Drejtorisë së Përgjithshme të Policisë, Prokurorisë së Përgjithshme të Shqipërisë dhe Përmbarimit.
Marshimi përgjatë, Bulevardit Dëshmorët e Kombit përfundoi në mënyrë paqësore.
Recent Comments