Kampi Veror 2023 – Dita e Solidaritetit dhe Aktivizmit Social në Shqipëri
Bashkë me Rrjetin e Studentëve Shqiptarë në Botë – AS@N & Rrjetin e Barazi në Vendimmarrje, me mbështetjen e SAME Network dhe Schuler Helfen Leben, kemi ngritur flamurin e solidaritetit dhe aktivizmit social në qytetet tona: Tiranë, Durrës, Shkodër, Elbasan, Lezhë dhe Korçë!
60 te rinj nga 7 qarqe te Shqiperisë morën pjesë në Kampin Veror 2023 organizuar në kuadër të Ditës së Solidaritetit dhe Aktivizmit Social në Shqipëri.
Dita e Solidaritetit dhe Aktivizmit Social është një hapësirë për t’iu ofruar të rinjve shqiptarë mundësinë për t’u bërë qytetarë aktivë në vendimmarrje, për të fuqizuar aftësitë e tyre drejtuese dhe për t’u angazhuar me të rinj të tjerë në aktivitete solidariteti për të sfiduar së bashku problematikat. E veçanta e Ditës së Solidaritetit dhe Aktivizmit Social është që krijon mundësinë dhe lidhjen midis eksperiencave të punës, donacioneve dhe projekteve të krijuara dhe drejtuara nga të rinjtë, e cila jo vetëm që kontribuon në fuqizimin midis bashkëmoshatarëve, por, gjithashtu, zhvillon aftësitë e tyre duke marrë një përvojë të paçmueshme njerëzore në këtë proces.
