westminsterfoundation, westminister foundation, WFD, ukembassyalbania, UK Embassy Albania, Women in Politics, womeninpolitics ,Gender Equality, Gender Equality in Right Wing Parties, Right Wing Parties, genderequalityinrightwingparties ,study ,research ,equalityindecisionmaking ,EDM, Rrjeti Barazi ne vendimmarrje, Rrjeti i grave, BaraziNeVendimmarrje,Barazi Ne Vendimmarrje
Cilat janë strategjitë më të suksesshme për të adresuar problemet në shoqëri dhe për të promovuar integritetin e demokracinë? Sa akses kanë gratë dhe vajzat në financat politike? Cilat janë hapat konkrete për fuqizimin e grave në politikë?
Këto ishin disa nga çështjet e trajtuara në trajnimin 2-ditor me Akademinë e Integritetit dhe Aktivizmit Politik organizuar nga Rrjeti “Barazi në Vendimmarrje” në bashkëpunim me Fondacionin Westminster për Demokracinë (WFD) dhe Ambasadën Britanike në Tiranë.
Drejtoresha Ekzekutive e Rrjetit “Barazi në Vendimmarrje”, Znj. Edlira Çepani, në fjalën hapëse inkurajoi gratë dhe vajzat të shprehin nevojat e tyre në proceset e vendimmarrjes dhe të luftojnë për to nëpërmjet ndryshimeve legjislative dhe forcimit të strukturave të grave në politikë.
Ambasadori i Britanisë së Madhe në Shqipëri, Z. Alastair King-Smith, përcolli një mesazh inkurajues për të gjithë pjesëmarrëset. Ai i nxiti të gjitha gratë dhe vajzat që të guxojnë dhe të ndryshojnë realitetin politik. Të bëhen zë për komunitetin dhe të luftojnë kundër kufizimeve që pengojnë veprimtarinë e tyre në politikë!
Znj. Etilda Gjonaj, Deputete e Kuvendit të Shqipërisë dhe Sekretare për Çështjet e Gruas në Partinë Socialiste, shprehu përkrahjen e saj ndaj Akademisë si një nismë e rëndësishme për fuqizimin e grave në politikë. Ndër të tjera Znj. Gjonaj theksoi si një problem mbi shumë të tjerë aksesin e grave dhe vajzave në financat politike.
Gjatë Akademisë, Deputetet, Znj. Anila Denaj dhe Znj. Pranvera Resulaj, si dhe Ministrja e Shtetit për Standardet e Shërbimeve, Znj. Milva Ekonomi, ndanë eksperiencën e tyre për fuqizimin e vajzave dhe grave përmes advokacisë, rrjetëzimit, etj.
