Me qëllim fuqizimin e të rinjve duke i nxitur të bëhen agjentë të ndryshimeve në komunitetin e tyre dhe më gjerë, Rrjeti AS@N në bashkëpunim me Rrjetin “Barazi në Vendimmarrje” ka nisur një fushatë informuese për të rinjtë rreth ”Ditës së Solidaritetit dhe Aktivizmit Social 2023!”.
“Dita e Solidaritetit dhe e Aktivizmit Social” organizohet në Europë nga “Solidarity Action Day Movement – SAME” që përfshin një rrjet të gjerë të organizatave rinore europiane që organizojnë çdo vit Ditën e Solidaritetit.
Çdo komunitet ka nevojë për ide të reja dhe për mbështetje për t’i realizuar ato! Të rinjtë kanë nevojë për mbështetje për të bërë ndryshimin!
Përmes Ditës së Solidaritetit, të rinjve iu jepet mundësia që të mësojnë më shumë rreth një profesioni, duke punuar një ditë si profesionistë të vërtetë dhe duke e dhururar pagesën e tyre për të mbështetur nisma rinore.
