Përfaqësues nga Rrjeti AS@N morën pjesë në trajnimin e organizuar nga Rrjeti SAME me temë: Skill Training – facilitation and moderation gjatë datave 19 – 22 Janar 2023, në Lubeck Gjermani.
Rrjeti SAME, prej 4 vitesh, ka bërë një punë të shkëlqyeshme në rritjen e kapaciteteve të të rinjve shqiptarë të angazhuar me Rrjetin AS@N për realizimin e Ditës së Solidaritetit në Shqipëri. Gjatë trajnimit, të rinjtë përfaqësues përfituan njohuri të vlefshme në fushën e krijimit dhe përgatitjes së seminareve, moderimit të aktiviteteve në grup, dallimeve dhe ngjashmërive në moderim dhe trajnim, teknikave të prezantimit dhe pyetjeve, si dhe nxitjes së procesit të mësuarit dhe ideimit, duke përfshirë edhe menaxhimin e dinamikave dhe konflikteve në grup.
Rrjeti AS@N arriti të fitojë statusin e organizatës kandidate për anëtarësim në Rrjetin SAME në Nëntorin e vitit 2022. Ky status i çmuar hap dyert për shkëmbim të përvojave të vlefshme dhe pjesëmarrje më të madhe të të rinjve në aktivitete dhe evente të ndryshme.
