Me qëllim avancimin e barazisë gjinore dhe rritjen e përfaqësimit thelbësor të grave në qeverisjen vendore, si dhe rritjen dhe forcimin e aktivizmit dhe pjesëmarrjes së të rinjve në proceset vendimmarrëse, Rrjeti Barazi në Vendimmarrje me mbështetjen e National Endowment for Democracy organizoi Forumin e Diskutimit me Kandidatë për Zgjedhje Vendore 2023 në Shkodër në kuadër të nismës “Frymëzo për Barazi, Fuqizo për Ndryshim”.
Nëpërmjet këtij forumi diskutimi, kandidatët për Kryetare Bashkie dhe Këshillin Bashkiak në Shkodër nga parti të ndryshme politike, patën mundësinë të ndanin platformat e tyre, listën e prioriteve si dhe të bashkëbisedonin me qytetarët, ndërsa këta të fundit kishin hapësirë për t’u drejtuar pyetje kandidatëve, duke ndarë nevojat dhe shqetësimet për komunitetet e tyre përkatëse.
